تازہ ترین

شہر میں منافع خوری کا سلسلہ شروع | غذائی اجناس کی مصنوعی قلت کا بہانہ بنا یا جارہا ہے

26 مارچ 2020 (00 : 12 AM)   
(      )

نیوز ڈیسک
سرینگر//کورنا وائرس کی تباہ کن صورتحال کے دوران شہر میں یہ افواہیں پھیلا ئی جارہی ہیں کہ آنے والے چوبیس گھنٹوں کے دوران سپلائی بھی بند ہور ہی ہے جس کی وجہ سے لوگوں میں فکر وتشویش کی لہر دوڑ گئی اورصارفین کو دودوہاتھوں لوٹنے کا عمل شروع ہوچکا ہے۔شہر خاص کے ایک شہری نثار احمد نے بتایا کہ جس طرح سے دکاندار لوگوں کو دو د و ہاتھوں لوٹ رہے ہیں اُس کی نظیر ملنا مشکل ہے۔ مذکورہ شہری نے بتایا کہ شہر خاص میں دکاندار آٹا فی کلو چالیس روپئے میں فروخت کر رہے ہیں حالانکہ دو روز قبل اس کی قیمت صرف 20روپئے تھا ۔انہوں نے کہا کہ یہی حال سبزیوں اور دیگر ضروری اشیاے کا بھی ہے۔لوگوں کا کہنا ہے کہ چاول کی قیمتوں میں بے تحاشہ اضافہ کیاگیا ہے جبکہ سبزی فروشوں نے بھی قیمتوں میں غیر معمولی اضافہ کیا ہے ۔