خطہ پیر پنچال کیلئے صوبائی درجے کا مطالبہ زور پکڑنے لگا،احتجاجی سلسلہ شروع

راجوری میں پی ڈی پی کی احتجاجی ریلی

12 فروری 2019 (49 : 02 AM)   
(      )

نیو ڈسک
راجوری //خطہ پیر پنچال کیلئے صوبائی درجے کی مانگ دن بدن زور پکڑتی جارہی ہے ۔پیر کو پی ڈی پی کی طرف سے راجوری میں احتجاجی ریلی نکالی گئی ۔پی ڈی پی کی طرف سے سابق وزیر چوہدری ذوالفقار علی اور سابق ممبراسمبلی راجوری چوہدری قمر حسین کی قیادت میں ڈاک بنگلہ راجوری سے احتجاجی ریلی نکالی گئی جو گوجر منڈی چوک میں پہنچ کر اختتام پذیر ہوئی ۔ریلی سے خطاب کرتے ہوئے ذوالفقار اور قمر نے کہاکہ خطہ پیر پنچال کیلئے علیحدہ صوبے اور پہاڑی ترقیاتی کونسل کی مانگ دیرینہ ہے اور گورنر انتظامیہ و مرکزی حکومت اس سلسلے میں ٹھوس اقدامات کرتے ہوئے فیصلہ لیناچاہئے ۔انہوں نے کہاکہ پی ڈی پی نے الیکشن سے قبل کے اپنے وعدے پر عمل کرنے کیلئے ہر ممکن کوشش کی لیکن اتحادی جماعت بی جے پی نے اس سلسلے میں رکاوٹیں پید اکیں اور خطہ پیر پنچال کو الگ درجہ نہیں مل سکا۔
 

تازہ ترین