جامعہ ملیہ اسلامیہ میں اسلامک آرٹس اور آرکیٹیکچر پر بین الاقوامی سیمنار

9 نومبر 2018 (00 : 01 AM)   
(      )

نئی دہلی//جامعہ ملیہ اسلامیہ کے ڈپارٹمنٹ آف آرکیٹیچر اینڈ اکسٹکس کی جانب سے 11 سے 13نومبر تک اسلامک آرٹس اور آرکیٹیکچر پر ایک بین الاقوامی کانفرنس کا انعقاد کیا جا رہا ہے ۔جاری کردہ ریلیز کے مطابق اس کانفرنس میں اسلامک آر ٹ اور آرکی ٹیکچر پر بین الاقوامی سطح پراس کی صورتحال ، اس میدان میں تعلیم ، تحقیق اور ماہرین کے کارناموں پر تبادلہ خیال ہوگا ۔کانفرنس میں اس موضوع سے متعلق تقریبا تمام ہی موضوعات پر غور و خوض کیا جائے گا جس میں بطور خاص وژول آرٹ ، پرفارمنگ آرٹ ، سائنس اینڈ ٹکنالوجی ، آرکی ٹیچر اور اکسٹس وغیرہ شامل ہیں ۔ اس موقع پر ایک کتاب کا بھی اجراء عمل میں آئے گا ، جس کا نام ''اسلامک آرکی ٹیکچر پرسیپشن اینڈ پیراڈاکس '' ہے ۔ اس کتاب کے مصنف پروفیسر ایس ایم اختر ہیں ، جو اس شعبہ کے صدر بھی ہیں ۔ اس کتاب میں جملہ آرٹ اور اکسٹس سے متعلقہ مباحث کا احاطہ کیا گیا ہے ۔ کتاب کے مطابق اسلامک آرکی ٹیچر اسلامی فلسفہ کے مقابلہ میں کافی مختلف ہے ، دونوں کے درمیان کافی بعد بھی ہے ۔ کانفرنس میں ان تمام مباحث پر بات چیت ہوگی جس میں ان میدانوں کے ماہرین اپنی تحقیق اور تجربات سے سامعین کو روشناس کرائیں گے ۔
 

تازہ ترین