تازہ ترین

’’جنگل کے تحفظ‘‘ پرمباحثے کا انعقاد

20 مارچ 2017 (00 : 02 AM)   
(      نیوز ڈیسک)

رام بن//ضلع انفارمیشن سینٹر رام بن نے کمال اکیڈمی ہائی اسکول چندرکوٹ کے احاطے میں عالمی آربر دن کی مناسبت سے ’’جنگل کے تحفظ‘‘ پر مباحثے کا اہتمام کیا۔ اس موقعہ پر اسکول کے چیئرمین دھرم چند مہمان خصوصی تھے جبکہ پرنسپل عبدالخالق نے تقریب کی صدارت کی۔ مہمان خصوصی نے طالب علموں کو زندگی کیلئے تباہ کن ما حولیاتی آلودگی کوپاک بنانے کیلئے ان کے ارد گرد زیادہ سے زیادہ درخت لگانے کے لئے حوصلہ افزائی کرنے پر زور دیا۔انہوں نے مستقبل میں بھی ایسے پروگرام منعقد کرنے کی خواہش ظاہر کی۔ اسکول کے نو طالب علموں نے اس مقابلہ میں حصہ لیا اور ا س موضوع پر روشنی ڈالی۔اس موقعہ پر ایک رنگا رنگ پروگرام بھی طالب علموں اور مقامی فنکاروں کی طرف سے پیش کیا گیا جس سے حاضرین محظوظ ہوئے۔مباحثے میں پہلی ،دوسری اور تیسری پوزیشن حاصل کرنے والوں کو انعامات سے نوازاگیا ۔